بطاقة ولاء في محفظة أبل وجوجل

وش يعني بطاقة ولاء في محفظة الجوال

يعني بطاقة محلك تنحفظ في تطبيق المحفظة بجوال عميلك، جنب بطاقاته الثانية. في الآيفون اسمها محفظة أبل (Apple Wallet)، وفي أندرويد محفظة جوجل (Google Wallet).

عميلك ما يحمل تطبيق ولا يسوي حساب، ولا يدور على كرت ورقي في جيبه. يفتح المحفظة ويعرض رمز البطاقة لموظفك.

وموظفك يمسح الرمز من تطبيق مساعد ثانية، فينضاف الختم أو النقاط على البطاقة نفسها.

وش يظهر على البطاقة في المحفظة

نفس المعلومات توصل للمحفظتين:

• اسم محلك، وشعارك إذا أضفته.
• اسم العميل.
• رصيده حسب نوع البطاقة، مثل عدد الأختام أو النقاط.
• المكافأة اللي يجمع عليها.
• رمز QR يمسحه موظفك عند كل زيارة.
• وفي محفظة أبل يلقى خلف البطاقة طريقة الاستعمال، ورقم تواصل محلك وعناوين فروعك إذا كتبتها.

شكل البطاقة يتبع المحفظة

كل محفظة ترتب البطاقة بطريقتها، فشكلها في محفظة أبل يختلف شوي عن محفظة جوجل وعن صور أمثلة البطاقات. المعلومات نفسها، والترتيب للمحفظة.

وكل بطاقة جديدة تطلع بألوان وأيقونة النشاط اللي اخترته. ومصمم البطاقة بشعارك وألوانك وشكل ختمك من باقة البداية.

تتحدث البطاقة وحدها بعد كل زيارة

كل ما ختم موظفك أو سلم مكافأة، توصل القيمة الجديدة لبطاقة أبل وجوجل خلال ثوان، وعميلك ما يسوي شي.

وفي الآيفون يطلع مع التحديث إشعار على شاشة القفل، مثل «ختم جديد!» ومعه رصيده الجديد.

وتقدر ترسل لعملائك إشعار بعرض أو تذكير من شاشة العروض في تطبيق ثانية، الحين أو تجدوله. يوصل جوالاتهم في المحفظتين، وعدده حسب باقتك:

• المجانية: 20 إشعارا تسويقيا شهريا.
• البداية: إشعارات تسويقية بلا حد.
• برو: إشعارات تسويقية بلا حد، وتقدر توجهها لشريحة من عملائك، مثل اللي ما رجعوا لك من فترة.

إضافة البطاقة إلى محفظة أبل في الآيفون

عميلك ما يحتاج تطبيق ولا حساب. الخطوات:

• يمسح رمز QR حق محلك بكاميرا الجوال، أو يفتح رابط الانضمام اللي أرسلته له.
• يكتب اسمه ورقم جواله، ويضغط «انضم الآن».
• تطلع بطاقته، وبعد لحظة تفتح محفظة أبل وحدها. وإذا ما فتحت يضغط «أضف إلى Apple Wallet».
• يؤكد الإضافة في شاشة المحفظة، وتنحفظ البطاقة في تطبيق Wallet مع بطاقاته.

بطاقة الولاء في Google Wallet على أندرويد

نفس البداية: يمسح الرمز، ويكتب اسمه وجواله. بعدها:

• تفتح صفحة الحفظ في جوجل وحدها، أو يضغط «أضف إلى Google Wallet».
• يؤكد الحفظ، وتنضاف البطاقة لمحفظة جوجل في حسابه.
• يفتح محفظة جوجل في كل زيارة ويعرض الرمز لموظفك.

لو غير عميلك جواله

رصيده ما يضيع، لأنه محفوظ في حسابك مو في الجوال.

يطلب من الكاشير، فيبحث عنه موظفك في مساعد ثانية باسمه أو رقم جواله ويضغط «أرسل». يوصله رابط بطاقته، فيضيفها لمحفظة جواله الجديد برصيدها.

ولو مسح رمز الانضمام مرة ثانية بنفس الرقم، تقول له الصفحة إنه مشترك وتحوله للكاشير، فما تنفتح له بطاقة جديدة.

كيف توصل بطاقة محلك لمحفظة عملائك

تسوي البطاقة من سو بطاقتك: تختار نشاطك، فتجيك البطاقة بالإعداد الجاهز عند اختيار النشاط، وتقدر تعدله.

تنشرها، ثم تطبع رمز الانضمام وتحطه عند الكاشير، أو ترسل رابطه لعملائك.

المحفظتان في كل الباقات. بطاقة الأختام متاحة في المجانية، وباقي الأنواع من البداية، والفرق بينها في أنواع بطاقات الولاء.

وإذا تبي الصورة كاملة من أولها، اقرأ وش هي بطاقة الولاء الرقمية.

جربها في جوالك الحين

افتح البطاقة التجريبية من جوالك، واكتب اسمك وجوالك، وشوف كيف توصل محفظتك وكيف تنعرض فيها.

أسئلة عن محفظة أبل وجوجل

والأسئلة العامة عن المحفظة والباقات في الأسئلة الشائعة.

اقرأ أيضا

• بطاقة الولاء الرقمية
• أنواع بطاقات الولاء
• أمثلة بطاقات
• المميزات
• الأسعار